ಥಾಯ್ ನ್ಯಾಯಾಲಯದ ಆದೇಶದಿಂದ ಮುನ್ನಾ ಜಿಂಗಡಾನನ್ನು ಭಾರತಕ್ಕೆ ಕರೆತರಲು ಅಸಾಧ್ಯ: ಭಾರತೀಯ ಸುದ್ದಿಸಂಸ್ಥೆ

ಥಾಯ್ ನ್ಯಾಯಾಲಯದ ಆದೇಶದಿಂದ ಮುನ್ನಾ ಜಿಂಗಡಾನನ್ನು ಭಾರತಕ್ಕೆ ಕರೆತರಲು ಅಸಾಧ್ಯ: ಭಾರತೀಯ ಸುದ್ದಿಸಂಸ್ಥೆ

ದೆಹಲಿ: ದರೋಡೆಕೋರ ಚೋಟಾ ಶಕೀಲ್ ಅವರ ಪ್ರಮುಖ ಸಹಾಯಕ ಮುನ್ನಾ ಜಿಂಗಡಾ ಅವರನ್ನು ಹಸ್ತಾಂತರಿಸುವಂತೆ ಕೋರಿದ್ದ ಭಾರತದ ಮನವಿಯನ್ನು ಥೈಲ್ಯಾಂಡ್ ತಿರಸ್ಕರಿಸಿದ ನಂತರ, ಪಾಕಿಸ್ತಾನ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ದಲ್ಲಿ ಪಲಾಯನಗೈದ ಭೂಗತ ಲೋಕದ ಡಾನ್ ದಾವೂದ್ ಇಬ್ರಾಹಿಂ ಅವರ ರಿಯಲ್ ಎಸ್ಟೇಟ್ ವ್ಯವಹಾರವನ್ನು ನಿರ್ವಹಿಸಲು ಜಿಂಗಡಾ ಅವರಿಗೆ ವಹಿಸಲಾಗಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಥಾಯ್ ನ್ಯಾಯಾಲಯದ ಆದೇಶದಿಂದ ಕೊಲೆ ಮತ್ತು ಸುಲಿಗೆ ಸೇರಿದಂತೆ ಅನೇಕ ಅಪರಾಧಗಳಿಗೆ ಸಂಬಂಧಿಸಿದಂತೆ ಜಿಂಗಡಾ ರನ್ನು ಭಾರತಕ್ಕೆ ಮರಳಿ ಕರೆತರಲು ಅಸಾಧ್ಯವಾಗಿದೆ ಎಂದು ಭಾರತೀಯ ಸಂಸ್ಥೆಗಳು ತಿಳಿಸಿವೆ.

ಸಯ್ಯದ್ ಮುಜಾಕಿರ್ ಮುದ್ದಾಸರ್ ಹುಸೇನ್ ಉತ್ತರ ಪ್ರದೇಶದಲ್ಲಿ ಜನಿಸಿದ್ದರು. ಜಿಂಗಡಾ ಮುಂಬೈನ ಜೋಗೇಶ್ವರಿ (ಪೂರ್ವ) ದಲ್ಲಿ ದೀರ್ಘಕಾಲ ವಾಸಿಸುತ್ತಿದ್ದರು. ಇಬ್ರಾಹಿಂನ ಪ್ರತಿಸ್ಪರ್ಧಿ ಚೋಟಾ ರಾಜನ್ ಮೇಲೆ ಹತ್ಯೆ ಯತ್ನ ವಿಫಲವಾದ ನಂತರ ಅವರನ್ನು 2000 ರಲ್ಲಿ ಥೈಲ್ಯಾಂಡ್‍ ನಲ್ಲಿ ಬಂಧಿಸಲಾಗಿತ್ತು.

ಥಿಂಗ್ ಪೊಲೀಸರು ಪಾಕಿಸ್ತಾನದ ಪಾಸ್‌ಪೋರ್ಟ್ನಲ್ಲಿ ಜಿಂಗಡಾ ಅವರನ್ನು ಮೊಹಮ್ಮದ್ ಸಲೀಮ್ ಎಂದು ಗುರುತಿಸಿದ್ದರು. ಇದರಿಂದ ಭಾರತ ಮತ್ತು ಪಾಕಿಸ್ತಾನ ಎರಡೂ ಜಿಂಗಡಾ ತಮ್ಮ ಪ್ರಜೆ ಎಂಬ ಜಗಳಕ್ಕೆ ಕಾರಣವಾಯಿತು. ಸೆಪ್ಟೆಂಬರ್‌ನಲ್ಲಿ ಝಿಂಗಡಾ ಪಾಕಿಸ್ತಾನಿ ಪ್ರಜೆಯೆಂದು ಥೈಲ್ಯಾಂಡ್‌ನ ನ್ಯಾಯಾಲಯವು ಪರಿಗಣಿಸಿ ಮುಕ್ತಗೊಳಿಸಿತು.

ಥೈಲ್ಯಾಂಡ್‍ ನಲ್ಲಿ ಬಂಧಿಸುವ ಮೊದಲು ಜಿಂಗಡಾ ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ಹೂಡಿಕೆ ಮಾಡಿದ್ದರು. ಪಾಕಿಸ್ತಾನ, ದುಬೈ, ಶಾರ್ಜಾ ಮತ್ತು ಅಬುಧಾಬಿಯಲ್ಲಿನ ಕಂಪನಿಗಳಿಗೆ ಹಣ ಹೂಡಿಕೆ ಮಾಡಿದ್ದರು ಎಂದು ಮೂಲಗಳು ತಿಳಿಸಿವೆ.

ಜಿಂಗಡಾನನ್ನು ಮೊಹಮ್ಮದ್ ಸಲೀಮ್ ಎಂಬ ಪಾಕಿಸ್ತಾನಿ ಪ್ರಜೆ ಎಂದು ಥಾಯ್ ನ್ಯಾಯಾಲಯ ಘೋಷಿಸಿದ್ದರೂ, ಮುಂಬೈ ಪೊಲೀಸರು 1990ರ ಹಿಂದಿನ ಜಿಂಗಡಾ ಬಗ್ಗೆ ಕ್ರಿಮಿನಲ್ ದಾಖಲೆಯನ್ನು ಹೊಂದಿದ್ದಾರೆ. ಅವರ ಕುಟುಂಬ ಜೋಗೇಶ್ವರಿ (ಪೂರ್ವ) ನಲ್ಲಿ ವಾಸಿಸುತ್ತಿದೆ. ಆದಾಗ್ಯೂ, ಜಿಂಗಡಾ ಪೋಷಕರಾದ ಸೈಯದ್‍ ಮೊದಾಸಿರ್ ಹುಸೇನ್(78) ಮತ್ತು ನಜ್ನೀನ್ ಸೈಯದ್( 73) ಅವರು ಅನಾರೋಗ್ಯ ಪೀಡಿತರಾಗಿದ್ದಾರೆ. ಅವರು ಪರಾರಿಯಾದ ದರೋಡೆಕೋರ ಜಿಂಗಡಾ ಬಗ್ಗೆ ಪ್ರತಿಕ್ರಿಯಿಸಲು ನಿರಾಕರಿಸಿದ್ದು, ಅವನ ಚಟುವಟಿಕೆಗಳಿಗೆ ಯಾವುದೇ ಸಂಬಂಧವಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.