ಚಂ.ಸು.ಪಾಟೀಲ

ಚಂ.ಸು.ಪಾಟೀಲ

ಚಂ.ಸು. ಪಾಟೀಲ ಎಂದೇ ಚಿರಪರಿಚಿತರಾಗಿರುವ ಚಂದ್ರಶೇಖರ ಸುಭಾಶಗೌಡ ಪಾಟೀಲ ವೃತ್ತಿಯಲ್ಲಿ ಕೃಷಿಕ, ಪ್ರವೃತ್ತಿಯಲ್ಲಿ ಕವಿ. ಮಗು ಮನಸ್ಸಿನ ಸ್ನೇಹಜೀವಿ. ಕೆಲವು ವರ್ಷಗಳ ಕಾಲ ಪತ್ರಕರ್ತರಾಗಿಯೂ ಅನುಭವ. ಹಾವೇರಿ ಜಿಲ್ಲೆ ರಾಣೇಬೆನ್ನೂರು ತಾಲೂಕಿನ ಕೂನಬೇವು ಗ್ರಾಮದವರು. ಸಾವಯವ ಕೃಷಿ ಮೂಲಕ ನಾಡಿನಾದ್ಯಂತ ಗೌರವ ಸಂಪಾದಿಸಿದವರು. ಇವರ ಮೂರು ಕವನ ಸಂಕಲನಗಳು ಪ್ರಕಟಗೊಂಡಿವೆ. ಕೃಷಿ ಕುರಿತ ಅವರ "ಬೇಸಾಯದ ಕತಿ" ಎಂಬ ಕೃತಿ ಅಪಾರ ಜನಮನ್ನಣೆ ಗಳಿಸಿದೆ.